Në laboratorët e departamentit shkencor të poliklinikës militare është evidentuar sars-covid2 në variantin e zbuluar në Britaninë e madhe, raporton ANSA.
10 muaj pas shfaqjes së të infektuarit të parë me coronavirus, Italia zbulon se ka edhe të parin të kontaminuar në versionin anglez.
Sipas informacionit të medias italiane, së pari e zbuloi bashkëjetuesja e pacientit. Dhe menjëherë autoritetet filluan të kuptojnë sesi ka mbërritur. Ndërkohë jepet alarmi edhe për një vajzë 25 vjeçare që është ulur në Bari.
Kështu, varianti britanik I virusit, I përfituar nga mutacioni, tashmë ka ardhur në kufijtë e Shqipërisë. Ndërkohë që sot u bë I ditur lajmi se një avion me pasagjerë nga Londra ka mbërritur në vendin tonë, ndërkohë që priten edhe të tjerë të vijnë pas tij, me shqiptarë që kthehen në atdhe për të kaluar festat.
Virusi i ri Covid, sipas shkencëtarëve britanikë është 70% më i rrezikshëm, Ai po përhapet nga Britania e madhe në drejtim të Evropës. Virusi i ndryshuar (mutant) Covid është shfaqur në disa raste, edhe në Holandë, Danimarkë dhe Australi, raporton BBC. Vetë Holanda ka raportuar se i mbylli fluturimet me Anglinë, po ashtu Franca dhe disa vende të tjera.
/GazetaReforma.com/
