48-vjeçari Lulzim Visha, i cili u gjet i pajetë mëngjesin e së premtes brenda një makine në rrugën “Shën Stefani” në Zall Mner, dyshohet të jetë vrarë me armë zjarri.
Hetuesit po shqyrtojnë mundësinë e një hasmërie si shkak të krimit, pasi Visha ka pasur probleme me persona të tjerë.
Sipas burimeve, disa vjet më parë, vëllai i tij vrau një tjetër person, që mund të ketë lidhje me ngjarjen.
Policia ka nisur hetimet dhe po punon për identifikimin dhe kapjen e autorit/ëve të krimit.
