Një i moshuar është mbytur në plazhin e Shëngjinit pasditen e sotme ndërsa raportohet se bëhet fjalë për një pushues.
Mësohet se viktima ishte një i moshuar 75 vjeçar me origjinë nga Kosova, i cili kishte ardhur në Shqipëri për të pushuar. Dyshohet se në momentin që është futur në ujë ka pësuar atak kardiak.
Policia ka mbërritur në vendngjarje dhe ka nisur hetimet, për zbulimin e shkakut të vërtetë të vdekjes së të moshuarit. Ndërkohë i moshuari nga Kosova është bërë viktima e parë që ndërron jetë për këtë sezon në plazhet shqiptare.
