Ka shkuar në 24 numri i viktimave nga COVID-19 në vendin tonë pasi një 45-vjeçar ka ndërruar jetë në Spitalin e Shkodrës.
Viktima ishte shtruar në këtë spital pesë ditë më parë me hemoragji cerebrale, ndërkohë vetëm ditën e sotme ishte identifikuar si i prekur nga koronavirusi.
Ai kishte shkuar në spital me homragji cerebrale dhe më pas ka shfaqur simptoma të COVID-19 dhe dje i është bërë testi, prej ku ka rezultuar pozitiv.
Kujtojmë se 45-vjeçari është viktima e dytë brenda qytetit të Shkodrës nga COVID-19, pas një 80-vjeçareje, që ndërroi jetë pak ditë më parë.
Ndërkohë sot është rritur numri i të infektuarve me koronavirus në Shqipëri, duke e çuar në 467 numrin e të infektuar.
Situata është më e rëndë në Tiranë me 221 raste, Shkodra me 70 dhe Durrësi me 42.
Ndërkohë që nga sot është rritur edhe koha për të bërë pazaret, duke nisur nga ora 05:00 deri në 17:30 të gjithë kanë nga 90 minuta kohë për të përfunduar blerjet, ndërkohë që fundjava do të jetë sërish e mbyllur madje edhe më shumë.
60 orë izolim i pret shqiptarët të premten, ndërsa nga sot policia ka lëshuar dronë inteligjentë për të siguruar dhe monitoruar lëvizjen e qytetarëve.
