Detaje të reja janë mësuar në lidhje me krimin e regjistruar sot në Vlorë në lagjen “11 janari”.
Një 60-vjeçar u godit me sende të forta dhe më pas humbi jetën në spital.
Autori i krimit dyshohet se është 25-vjeçari Jurgen Leci, i cili është shpallur në kërkim nga policia.
Sipas dëshmive të personave që ndodheshin pranë vendit të ngjarjes, i riu e ka goditur me shkop bejsbolli 60-vjeçarin.
Mësohet se viktima dhe autori ishin komshinj dhe krushqi.
Shkak për krimin mendohet të jetë bëtë një kamera sigurie e vendosur në njërën prej banesave, e cila kishte fushëpamje edhe në shtëpinë tjetër, shkruan “Shqiptarja.com”.
Policia në njoftimin paraprak bëri me dije se vrasja dyshohej se kishte ndodhur për arsye pronësie.
Vlorë/ Informacion paraprak
Rreth orës 10:04, pranë një karburanti në lagjen “11 Janari” Vlorë, dyshohet se pas një konflikti për motive pronësie midis 2 shtetasve (fqinjë) ka mbetur i dëmtuar rëndë shtetasi B.M., 60 vjeç, i cili ka ndërruar jetë në Spitalin Rajonal të Vlorës. Policia ka identifikuar autorin dhe po punohet intensivisht për kapjen dhe arrestimin e tij.
