Në portin e Durrësit në qershor të 2018 u bllokua një makinë tip ‘Toyota Yaris’.
Brenda saj u gjendën të fshehura 3.4 milionë euro.
Makina kishte ardhur nga Belgjika në drejtim të Shqipërisë.
Për këtë ngjarje u arrestuan katër persona: Edi Lika, Klevi Leka, Alban Mollaymeri dhe Adim Cani.
Ndërkohë, u shpallën në kërkim Elvis dhe Alfred Vladi, të cilët mendohet se janë porositësit e makinës.
Të arrestuarit ndodheshin në ‘Arrest me burg’.
Së fundmi, masa e sigurisë për ta ka ndryshuar.
Ndaj tyre është caktuar masa ‘Detyrim paraqitje’.
Po ashtu, ka ndryshuar edhe akuza nga ‘Pastrim parash’ në ‘Mosdeklarim të hollash në kufi’.
Këto ndryshime vijnë pas një sërë lëvizjesh muajin e fundit.
Kujtojmë se polemika të shumta po vijnë nga drejtësia pas lirimit të Viktor Ymerit dhe Endrit Dokles.
