Koronavirusi vijon të përhapet me shpejtësi në institucionet arsimore në vendin tonë.
Këtë herë janë konfirmuar me Covid 19 katër mësues të shkollave 9-vjeçare në juglindje të vendit, përkatësisht 2 raste në Bashkinë e Korçës, 1 rast në bashkinë e Devollit dhe 1 në bashkinë e Kolonjës.
Ndërkohë përsa i përket 2 rasteve në Korçë mësohet se janë një çift bashkëshortës punonjës në një shkollë 9-vjecare.
Ministria e Shëndetësisë ka njoftuar ditën e sotme se janë kryer 824 testime dhe janë konfirmuar 132 të prekur me virusin Sars-Cov2.Ndërkohë me gjithë përpjekjet e mjekëve, fatkeqësisht e kanë humbur betejën me COVID19, një 58 vjeçare nga Tirana, një 63 vjeçar nga Lushnja, një 66 vjeçar nga Fieri, me sëmundje bashkëshoqëruese.
