Vihet rregull te tregu në Kombinat, qytetarët dezinfektohen në hyrje dhe dalje

Google+ Pinterest LinkedIn Tumblr +

Tregu i Kombinatit ka qenë një nga më problematikët gjatë ditëve të pandemisë, për shkak të mosrespektimit të masave.

Ditën e sotme tregu është nën mbikëqyrje nga policia, e cila ka vendosur masa rigoroze.

Qytetarët qëndrojnë nëpër rrathët e verdhë, të përcaktuar për të ruajtur distancën.

Për të hyrë në treg ka vetëm një hyrje dhe vetëm një dalje, ku qytetarët dezinfektohen më parë.

Ata që nuk kanë maska mbrojtëse dhe doreza nuk lejohen që të futen në treg.

Edhe në Shkodër, qytet ku numri i të prekurve është rritur me shpejtësi, janë vendosur rregulla të forta.

Kujtojmë këtu se të shtunën kryeministri Edi Rama, për shkak të ndërgjegjësimit të ulët të qytetarëve, paralajmëroi edhe burg për ata që nuk respektojnë distancën.

Shifrat zyrtare flasin për 361 të prekur, në mesin e të cilëve 21 viktima dhe 104 të shëruar.

Në Spitalin Infektiv aktualisht janë 64 të shtruar, 5 prej të cilëve në terapi intensive, ndërsa një është i intubuar.

Kurse në spitalin COVID 2, “Shefqet Ndroqi”, janë 7 pacientë të shtruar gjithsej, nga të cilët 6 ndodhen në terapi intensive, ku  2 janë të intubuar.

Shpërndaje
Share.

Komento