Përhapja e varianteve të reja të koronavirusit ka shkaktuar jo pak debate dhe tension si tek qytetarët po ashtu edhe në rrathët e qveverisë e autoriteteve. Shumë vende në botë kanë ndërrmarrë masa strikte në mënyrë që të parandalojnë përhapjen e varianteve të reja me Covid-19. I tillë është edhe rasti në fjalë ku një gjykatë në Vietnam ka dënuar një të ri me pesë vjet burg për shkeljen e rregullave të rrepta të karantinës dhe përhapjen e virusit te të tjerët.
Le Van Tri, 28 vjeç, u dënua për “përhapjen e sëmundjeve infektive të rrezikshme”, njoftoi Agjencia Shtetërore e Lajmeve e Vietnamit.
Vietnami shënoi histori suksesi gjatë pandemisë falë testimeve masive të kryera, gjurmimit agresiv të kontakteve, kufizimeve të rrepta kufitare dhe karantinës të rreptë. Por grupet e reja të infeksioneve që nga fundi i prillit e kanë njollosur atë rekord.
“Le Van Tri udhëtoi përsëri në Ca Mau nga qyteti Ho Chi Minh, dhe shkeli rregullat e karantinës 21-ditore,” tha agjencia e lajmeve. 28 vjeçari infektoi tetë persona, njëri prej të cilëve vdiq për shkak të virusit pas një muaji trajtimi.
Ca Mau, krahina më jugore e Vietnamit, ka raportuar vetëm 191 raste dhe dy vdekje që nga fillimi i pandemisë.
Vietnami po përballet me një shpërthim të përkeqësuar të Covid-19 që ka infektuar më shumë se 536,000 njerëz dhe ka vrarë 13,385, shumica dërrmuese në muajt e fundit.
Vietnami ka dënuar dy persona të tjerë me dy vjet burg me kusht për të njëjtat akuza.
