Policia e Tiranës ka njoftuar se ka nisur procedim në gjendje të lirë për 7 shtetas të mitur, të moshave 16 dhe 17 vjeç, të cilët kryenin vjedhje parash përmes komunikimit në profile false në rrjetet sociale.
Ata kontaktonin individë të ndryshëm dhe, në takimet që zhvillonin në vende të errëta, u merrnin paratë.
Materialet procedurale janë dërguar në Prokurori për veprime të mëtejshme.
