Ditën e sotme është mbajtur gjyqi për Safet Gjicin dhe Alma Kaçin, pas publikimt të video-skandalit brenda ambienteve të bashkisë së Kukësit, ku dy personat në fjalë ishin në momente intime.
Mësohet se Gjici ka kërkuar pafajësinë, pasi sipas tij dhe avokatëve mbrojtës nuk ka kryer asnjë vepër penale. Më tej ai shtoi se ai është kërcënuar nga ish-kreu i këshillit të qarkut të Kukësit, Abedin Oruçi pasi ai ka pasur probleme te mëparshme sepse e ka kallëzuar në Prokurori.
Gjici është shprehur se Oruçi ka bashkëpunuar me Kaçin për realizimin e videos, për ta larguar atë nga posti i kryetarit të bashkisë. Ai është shprehur ndër të tjera se Alma nuk ka marrë asnjë fond nga bashkia.
“Abedin Oruçi me ka sulmuar për shkak të detyrës, që nga 2019 pasi unë skam pas asgjë personale kam bërë vetëm detyrën. Kush me ka dhënë substancë narkotike Alma Kaçi me bashkëpunëtorin e saj pse këtë fakt nuk e heton prokuroria. Pse Alma pasi bëri videon ja dha Abedin Orucit, pse nuk është hetuar ky fakt, ndërkohë që unë hetohem prej 6 muajsh a thua se kam krijuar organizatë terroriste. Ku është premtimi qe i kam bere unë Alma Kaçit për projektin se nga telefoni im nuk doli asgjë ndërkohë qe ajo kishte komuniku me Orucin. Une i thashë shko tek zëvendësi i Almës, por ajo as aty nuk e dorëzoi.
Në buxhetin e 2023 ne nuk kishim të parashikuar një gjë ë tillë fond për qentë. Ata me sulmuan pse nuk i lejova të ndërtojnë pa leje dhe të përvetësojnë token. Unë kam marre dënimin më të madh. Dënimi është moral u kërkoj falje familjareve të mijë dhe qytetareve të Kukësit (u përlot). Oruci donte që të iki unë dhe të vinte ne zbatim projektet e tij, shkoni në Kukës dhe shikoni si i kanë zaptuar pronat e bashkisë. Abedin Oruci ndër vite ka pas 25 çështje penale. Unë kërkoj pafajësi, sepse nuk kam shkel asnjë ligj”, është shprehur Gjici.
Safet Gjici u vu nën hetim nga SPAK në 16 qershor, pas publikimit të video-skandalit ku ai shfaqej duke kryer marrëdhënie seksuale në zyrën e tij në Bashki. Në videon e publikuar të skandalit seksual, Gjici u dëgjua teksa i premtoi një tender për vaksinimin e qenëve në Kukës, Alma Kaçi vajzës me të cilën po kryente marrëdhënie seksuale. Pas publikimit të videos Gjici u shkarkua nga detyra.
