Një shqiptar është vrarë në Gjermani ditën e sotme. Media gjermane, BILN, raporton se ngjarja ka ndodhur mëngjesin e sotëm, në qendër të qytetit të Hanoverit.
Mësohet se mes drejtuesve të dy makinave, një Porsche Cayenne dhe një Mercedes S500 pati një debat të ashpër. Më pas, u dëgjuan krisma. Shoferi i makinës Porsche u përplas dhe më pas u gjet i vdekur.
Hetimet vazhdojnë dhe autori i krimit nuk është kapur akoma. Në aksion janë përfshirë edhe forcat speciale.
E shkuara – Shqiptari i cili u ekzekutua ditën e sotme në Gjermani, nuk ishte i panjohur për policinë vendase. Mësohet se shqiptari ka qënë në paraburgim në vitin 2017 sepse ka qëlluar një burrë. Mediat gjermane shkruajnë se i ndjeri ishte i njohur për policinë pasi ka qëlluar një 25-vjeçar. Ai u dorëzua një ditë më vonë, por u la nga paraburgimi katër javë më vonë.
Në atë kohë kishte dyshime se mund të kishte qenë një mosmarrëveshje në biznesin e drogës ose prostitucionit. Deri më tani raportohet se 30-vjeçari shqiptar është vrarë për shkak të një konflikti të mëparshëm për trafikun e drogës dhe prostitucion.
Pamjet nga vendi i ngjarjes – Një shqiptar është qëlluar për vdekje në mjetin e tij luksos tip “Porche” në një kryqëzim të qytetit të Hanover. Mediat gjermane kanë publikuar pamjet nga vendi i ngjarjes, ku edhe duket se xhami i mjetit është thërrmuar nga plumbat që i kanë marrë jetën të riut shqiptar, i cili nuk ishte i panjohur për Policinë.
Deri më tani raportohet se 30-vjeçari shqiptar është vrarë për shkak të një konflikti të mëparshëm për trafikun e drogës dhe prostitucion. Ndërkohë që emri i viktimës ende nuk është bërë me dije.
