Ky nuk është i vetmi emision “reality-show” i cili u del jashtë kontrollit drejtuesve dhe autorëve në një kanal kombëtar në Shqipëri, për më tepër në “prime-time”.
Por sot në “reality-show-n” e ndjekur “Hell’s kitchen” në televizionin kombëtar “Top-Channel” sherri dhe konflikti mes pjesëmarrësve dhe protagonistit kryesor, ka arritur kulmin duke shënuar një incident vërtet të frikshëm.
Sherr që ka nisur në emisionin “Hell’s kitchen”, ka degjeneruar kur pas ofendimeve të ndërsjellëta, një nga konkurrentët ka ofenduar, shtyrë dhe ka përplasur në tokë në fund shefin e kuzhinës Renato Mekolli.
Siç shihet edhe në pamje, Mekolli dhe konkurrenti përplasen verbalisht për pjatën, por këtij të fundit, pas kritikave i del situata nga kontrolli.
Ai dëgjohet të ofendojë shefin e kuzhinës, pasi Renato Mekolli, i thotë se nuk ka bërë më të mirën e tij.
“Po çfarë thua more tani se unë po bëj më të mirën…”,- thotë konkurrenti me emrin Eusebion.
“Ku po e bën më të mirë more”,- tha Renato Mekolli.
“Ik ore se na çave k**** na çave, kot e bën të më prishësh punë mua, varik****, na çave trapin”,- shton Eusebio më tej dhe e shtyn Mekollin.
Shefi i kuzhinës plaset në tokë dhe një tjetër konkurrent e ndihmon dhe e ngre. Renato mekolli shihet i lënduar, ndërsa konkurrenti largohet nga kuzhina duke e ofenduar sërish.
/Burimi: TCH/GazetaReforma.com/
