Seanca e jashtëzakonshme për votimin e dekreteve të presidentit për ndryshimet në qeveri kaloi me tensione. Gjithsesi tensioni nuk pengoi votimin për shkarkimet e ministrave dhe emërimin e ministrave të rinj në parlament. Por në votimin e Elisa Spiropalit u vu re se Bardhi dhe Basha kishin votuar kundër, ndonëse Basha nuk ishte fare dhe Bardhi ishte te foltorja.
Gjatë votimit është kapur një moment teksa deputetja Ori Nebiaj shtyp butonin elektronik jo vetëm për veten e saj, por edhe për Gazment Bardhin. Përveç votimit për Bardhin, Nebiaj shtyp butonin edhe për Lulzim Bashën që nuk ishte fare në Kuvend dhe për Jorida Tabaku.
