Të paktën 1350 viktima dhe më shumë se 60 mijë të prekur- ky është bilanci i deritanishëm nga coronavirusi, që po përhapet çdo ditë e më shumë.
Qeveria kineze ka marra masa për të gjithë të dyshuarit që mund të jenë prekur nga virusi, të cilët izolohen në karantina ku u nënshtrohen mjekimeve.
Një video e publikuar së fundmi po bën xhiron në Internet, pasi tregon se si të dyshuarit për coronavirus futen brenda disa kutive metalike, për t’u dërguar në zona karantinore.
Ajo që ka prekur audiencën është fakti se personat që dyshohen se janë infektuar futen në kutinë metalike mes të bërtiturave dhe të qarave.
Personat e dyshuar se janë mbartës të coronavirusit izolohen dhe nuk lejohen që të kenë kontakte me qytetarë të konsideruar të shëndetshëm, qofshin këta edhe familjarët e tyre.
Ditën e sotme është shënuar rasti i 3 jashtë Kinës, në Japoni ku një grua rreth 80-vjeçare humbi jetën pasi ishte prekur nga virusi vdekjeprurës.
