Kandidati për deputet i Lëvizjes Socialiste për Integrim, Ralf Gjoni, i cili pritet të bëjë betimin si deputet në seancën plenare të kësaj të enjteje në Kuvendin e Shqipërisë, është sulmuar nga një i ri në dalje të pallatit ku ai banon.
Më të parë kandidatin për deputet Gjoni, i riu është çuar në këmbë, dhe i ka derdhur në fytyrë një bojë të kuqe nga shiringa që mbante në duar, e më pas është larguar me vrap.
Gjoni konfirmon se një pjesë e mirë e bojës nuk hiqet nga lëkura dhe ka djegie brenda syve. Ai shprehet se prita dukej qartë që ishte e porositur nga lart.
“Një djalë po priste të kafja, cohet më afrohet dhe me hedh bojë me shiringë, më frikësoi në fillim se ishte e papritur.
Sjellje rrugacërie rrugësh, ta dinë se jam këtu dhe nuk frikësohem nga asnjë lloj destabilizimi. Nuk kam ardhur këtu për të marrë një rrogë të qelbur shtetit. Mund ta merrni me mend më mirë, se kush e ka bërë, kam ardh për të bërë betimin dhe jo lajm të përfaqësoj gjithë ata shqiptarë që sot ndihen të papërfaqësuaur. Nuk do lejoj që emri im të përdoret në interes të disa rrugecërve. “-deklaroi Gjoni para seancës plenare ku pritet të bëjë sot betimin si deputet.
