Një aksident i rëndë ka ndodhur pak më parë në qytetin e Sarandës. Një makinë tip “Range Rover” ka aksidentuar një këmbësore në lagjen Numër 1 të qytetit bregdetar. Ngjarja mësohet të ketë ndodhur rreth orës 19:12, kur drejtuesi i mjetit, i riu 24-vjeçar me iniciale K.B. ka aksidentuar vajzën 30-vjeçare me iniciale E.B. Nga informacionet bëhet e ditur se makina që drejtohej nga 24-vjeçari kishte targat AA055LT. Policia ka bërë të ditur se drejtuesi i mjetit është shoqëruar në komisariatin e Policisë në Sarandë dhe ndaj tij do të kryhen veprimet e nevojshme procedurale. Mësohet se e reja e aksidentuar është transportuar në spital dhe fatmirësisht është jashtë rrezikut për jetën. Ndërkohë, Syri.net ka publikuar edhe një video ku shihet e reja e shtrirë për tokë në momentin që ambulanca ka ardhur t’i jap ndihmën e nevojshme mejkësore
Njoftimi i policisë:
Sarandë/ Informacion paraprak
Rreth orës 19:12, në lagjen Nr.1, Sarandë, një automjet, me drejtues shtetasin K.B., 24 vjeç, ka aksidentuar këmbësoren me iniciale E. B., rreth 30 vjeçe, e cila është transportuar në spitalin e Sarandës për ndihmë mjeksore, jashtë rrezikut për jetën.
Drejtuesi i mjetit është shoqëruar në Komisariatin e Policisë Sarandë.
Në vendngjarje ndodhet grupi hetimor dhe po punon për zbardhjen e plotë të ngjarjes.
