Muaji gusht do të jetë pushim përsa i përket procesit të Vettingut të gjyqtarëve dhe prokurorëve.
Seancat do të rinisin në muajin shtator, ku Komisoni i Pavarur i Kualifikimit dhe Këshilli i Posaçëm i Apelimit, do të vlerësojnë prokurorët dhe gjyqtarët që ende nuk kanë kaluar në sitën e Vettingut.
Mësohet se deri ditën e sotme, Komisioni i Pavarur i Kualifikimit ka dhënë 188 vendime. 81 prej tyre janë konfirmime në detyrë, ndërsa 68 vendime janë marrë për shkarkimin nga detyra të prokurorëve dhe gjyqtarëve.
Kjo pasi janë gjetur shkelje në një nga 3 shtyllat ku bëhet vlerësimi në aspektin profesional, pasuria dhe integriteti moral.
14 vendime të tjera janë marrë për ndërprerje të procesit , 8 vendime për pushim procesi, 16 vendime për përfundim procesi dhe 1 vendim për pezullim nga detyra që ishte i prokurorit që duhej të riniste nga fillimi Shkollën e Magjistraturës, Drejtuesi i Prokurorisë së Apelit të Shkodrës, Elvin Gogaj.
Ditën e sotme, Komisioni i Posaçëm i Apelit vendosi të shkarkojë prokurorin Gentian Osmani. Ky i fundit do të jetë përfundimisht jashtë sistemit të drejtësisë.
