Nënkryetarja e PD-së dhe deputetja, Grida Duma ka folur për Vetting-un në politikë. Duma në emisionin “Open” u shpreh ndër të tjera se hetimi për politikanët duhet të nisë nga ata që konsiderohen si peshqit e mëdhenj.
Ndër të tjera ajo ka thënë se Partia Demokratike është e gatshme të marrin dhe të shqyrtojë edhe raportin e Komisionit të Venecias lidhur me një nismë të ngjashme të ndërmarrë nga demokratët në vitin 2018.
“Rritja e besimit tek politika nuk është një kalë beteje i përkohshëm. Në të gjitha dimensionet e jetës shqiptare, një është problem i moszhvillimit, korrupsioni. Nëse ka një mënyrë më të mirë, më të qartë dhe transparente se sa të thuash ta nisim pastrimin e kokës dhe majës, peshqit e mëdhenj nga politika, sot reforma në drejtësi kërkon shtysë dhe besim. Kërkon shembull personal. Shembulli personal vjen nga ne dhe duhet të vijë nga PD. Nuk është një çështje e përkohshme. Komisioni i Venecias, e kemi diskutuar elementet që kanë hedhur poshtë. Përsa i përket teknikaliteteve se si do të bëhet vetting në politikë, mund ta marrim atë raport dhe të diskutojmë për këtë çështje. Por diçka e kemi të qartë që vetingu duhet të ndodhë. Ajo që diskutoni se nga kush dhe pse, raporti i Venecias nuk e ul atë që ne e kemi axhendë politike për ata që përfaqësojnë popullin” – tha Duma.
