Vetingu në polici është përfolur shumë në media, por ende nuk ka një datë konkrete se kur pritet të përfunndojë. Deri në qershor të vitit 2020, pritet që të përfundojnë të gjitha shqyrtimet për 245 dosjet e drejtuesve më të lartë.
Ata që nuk do të kalojnë dot vetingun do të shkarkohen e nuk do të kthehen më në polici.
Zv. Ministri i brendshëm, Julian Hodaj, tha se janë 245 dosje në total te drejtuesve të lartë që do të shqyrtohen nga Komisioni I Jashtëm I Vlerësimit.
“Procesi ka vijuar me fazën e parë që janë rreth 245 punonjës të funksioneve dhe gradave më të larta. Janë kërkuar dhe shkëmbyer informacione më të gjitha institucionet. Kini parasysh që bëhet fjalë për një volum të lartë informacioni. Do ishim shumë të lumtur nëse në fund të korrikut do të kishim edhe caktimin e seancave të para dëgjimore”, u shpreh Hodaj.
Janë tre kritere mbi të cilat do të bëhet kontrolli i njerëzve të rendit: ai i pasurisë, i figurës dhe aftësive profesionale.
