TIRANË
Spitali “Shefqet Ndroqi” ka reaguar pas ngjarjes tragjike që ka ndodhur sot në mëngjes, ku një pacient 29-vjeçar që ishte me koronavirus, i dha fund jetës, duke u vetëhedhur nga kati i tretë.
Stafi i spitalit universitar “Shefqet Ndroqi” shpreh dhimbjen për humbjen e jetës së 29-vjeçarit me inicialet Xh. K. i cili i dha fund jetës mëngjesin e sotëm dhe i shpreh ngushëllimet më të sinqerta familjes së tij.
Sipas stafit, i riu kishte disa ditë që po trajtohej me terapinë e plotë të mjekimit dhe gjendja e tij ishte e stabilizuar.
“Lidhur me arsyet që e çuan të riun drejt këtij akti ekstrem, është duke u kryer hetimi nga ana e organeve kompetente.
Stafi i spitalit universitar ‘Shefqet Ndroqi’ siguron qytetarët se do të vazhdojë të ofrojë me përkushtim dhe profesionalizëm, shërbim shëndetësor për pacientët që trajtohen në spitalin tonë”, shprehet stafi i spitalit.
