Vetëflijimi në Kombinat, flet shoqja e të mbijetuarës: Si e njihnim Blertën në Përmet

Google+ Pinterest LinkedIn Tumblr +

Vijojnë të zbardhen detaje të teja nga ngjarja tragjike në Kombinat. Së fundmi, shoqja e të mbijetuarës Blerta Josifi, Etleva Kreci, ku tregoi se si e ka njohur Blertën por dhe familjen e saj.

“Me Blertën kam ndarë 8 vite të studimit tonë. Kanë qenë vite me pafajësinë fëmijënore, ka qenë shumë e përkushtuar me familjen. Ndihmonte nënën bashkë me Anisën në treg në qytetin tonë. Duam t’i japim Blertës një dorë për ta nxjerrë nga kjo situatë, e t’i kthehet vajzës me plot ëndrra për jetën. Në gjimnaz ka qenë një bankë para meje. Ishte vajzë aktive, plot ëndrra e jetë. Me mbështetjen e familjarëve nga ana e tezes dhe dajës, ajo sikur e kaloi ngjarjen e babait. Takimi im i fundit me Blertën ka qenë 6 vite më parë, pimë një kafe. Ajo më tregoi se kishte filluar punë, Anisa gjithashtu kishte mbaruar studimet. Ishin vajza positive, të gjithë do t’i donin në shoqëri”.

Ajo ka treguar se në fakt nuk ka dëgjuar ndonjëherë për sektin në të cilin bënte pjesë Blerta dhe familja e saj dhe se nuk kanë folur për këto tema.

“Në grupin shoqëror ajo nuk fliste për takimet në Kishë. Kurrë nuk kemi folur për bësimin e tyre. S’ka qenë asnjëherë temë e diskutimeve tona puna e besimit,” tha Reci.

Ngjarja e rëndë u zbulua mbrëmjen e 2 korrikut dhe tronditi opinionin publik. Në pallatin parafabrikat mbrapa ish-Mapos rruga “Hamdi Cenoimeri”, dy trupat e vdekur të dy grave kanë “bashkëjetuar” për ditë me radhë me banorët e lagjes. Zhaneta Josifi, 56 vjeçe dhe Anisa Josifi 30 vjeçe, u gjetën të vdekura në banesë, ndërsa në gjendje të rëndë ishte edhe vajza tjetër e Zhanetës, Blerta Josifi 34-vjeçe. Kjo e fundit bashkë me nënën e saj kishin mbajtur në banesë trupin e pajetë të Anisës, të cilin e lyenin me vaj e uthur që të mos binte erë.

Në banesën e tyre të thjeshtë në këtë lagje të Tiranës, policia gjeti shënime fetare, ku u mësua se nëna dhe dy vajzat kanë qenë praktikante të sektit të njohur si “Dëshmitarët e Jehovait”. Blerta ndodhet e shtruar në spitalin Psikiatrik të Tiranës.

Shpërndaje
Share.

Komento