Ditën e djeshme Presidenti i Republikës, i dërgoi një shkresë Prokurorisë së Përgjithshme, ku i kërkonte informacion mbi emrat e propozuar nga kryeministri Edi Rama.
Prokuroria e Përgjithshme është vënë në lëvizje dhe i ka kthyer një përgjigje Presidentit. Burime bëjnë me dije se Prokuroria e Përgjithshme ka marrë informacione nga të gjitha Prokuroritë e Rretheve Gjyqësore, Organi i Akuzës i është përgjigjur Kreut të Shtetit. Prokuroria e Përgjithshme e ka vënë ën dijeni Metën se asnjë nga emrat e propozuar nga kryeministri nuk rezultojnë të jenë proceduar penalisht. Gjithashtu, Meta i është drejtuar edhe SPAK-ut për informacione mbi emrat e propozuar nga kryeministri.
Kujtojmë se në shkresën që i drejtoi ditën e djeshme Prokurorisë, Meta e kishte vënë theksin tek fakti që përgjigja të kthehej sa më shpejt, pasi duhet t’i dekretojnë ministrat e rinj të kabinetit qeveritar brenda 7 ditëve.
Emrat e ministrave të propozuar nga Kryeministri Edi Rama
* Zëvendëskryeministër (do mbikëqyrë edhe rindërtimin) – Arben Ahmetaj
* Ministre për Europën dhe Punëte Jashtme – Olta Xhacka
* Ministër i Mbrojtjes – Niko Peleshi
* Ministër i Drejtësisë – Ulsi Manja
* Ministër i Punëve tëBrendshme – Bledi Çuçi
* Ministre e Financave dhe Ekonomisë – Delina Ibrahimi
* Ministre e Infrastrukturës dhe Energjisë- Belinda Balluku
* Ministre e Shëndetësisë dhe Mirëqenies Sociale – Ogerta Manastirliu
* Ministre e Arsimit dhe Sportit – Evis Kushi
* Ministre e Bujqësisë dhe Zhvillimit Rural- Frida Krifca
* Ministre e Kulturës Elva Margariti
* Ministre e Mjedisit dhe Turizmit, – Mirela Kumbaro
4 ministra shteti
* Elisa Spiropali për Marrëdhëniet me Parlamentin
* Edona Bilalli ministre shteti për Mbrojtjen e Sipërmarrjes
* Bora Muzhaqi ministre Shteti për Rininë dhe Fëmijët
* Milva Ekonomi, ministre Shteti për Standardet e Shërbimeve
