Kreu i Gjykatës së Vlorës, Skënder Haluci, ka komentuar sulmin me tritol në makinë e prokurorit, Albert Kuliçi.
Haluci e ka quajtur këtë veprim një akt prej burracakësh dhe e lidh me detyrën e prokurorit.
Ai pohon për mediat se ka ngritur problemin e marrjes së masave emergjente, për sigurinë e prokurorëve dhe gjyqtarëve.
Kreu i gjykatës ka shprehur mbështetjen për prokurorin e dhe familjen e tij.
Ndër të tjera ai thotë se nuk është ndjerë asnjëherë i frikësuar.
“Në vazhdimësi e kam ngritur problemin e marrjes së masave emergjente për sigurinë e prokurorëve dhe gjyqtarëve dhe pjestarët që ushtrojnë aktivitetin në këto institucione. Sot jam në mbështetje të tij dhe familjes së tij dhe për ta mbështetur. Ka lidhje vetëm me ushtrimin e profesionit dhe kjo është një vepër burracakësh dhe frikacakësh. Unë vetë nuk ndihem asnjëherë i kërcënuar dhe e bëj detyrën për t’i shërbyer qytetarëve. I bëj thirrje Prokurorisë dhe Gjykatës që të ushtrojë detyrën vetëm për të zbatuar ligjin. Ka disa raste kur po goditet Gjyqësori. Kuliçi është një ndër prokurorët më të mirë të Republikës së Shqipërisë, profesionalisht dhe të gjitha pikëpamjet. Janë mbi 4 milion euro të sekuestruara nga 6 dhjetori në masat provizore dhe është e vetmja pistë e profesionit dhe ushtrimit të detyrës së prokurorit. Për pistat e tjera duhet të merren organet ligjzbatuese, kam besim te drejtësia dhe prokuroria”, tha Haluci.
