Ambasadori gjerman, Peter Zingraf ditën e sotme në selinë e Partisë Demokratike do të zhvillojë një takim me kryedemokratin, Lulizim Bashën.
Sipas informacioneve t marra nga figurat mbështetëse të partisë Demokratike është bërë me dije se gjatë kësaj jave krye demokrati Lulzim Basha do të zhvillojë takime të rëndësishme në selinë e PD-së, ku pritet të merret vendimi përfundimtar për Sali Berishën për të cilin ambasadorja amerikane Yuri Kim ka kërkuar që mos jetë pjesë e Kuvendit të ri parlamentar.
Gjithashtu ditën e premte më 10 shtator nis sesioni i ri Parlamentar, ndërsa më 14 shtator Angela Merkel mbërrin në Tiranë. Ardhja e Merkel në Tiranë dhe në shtete të tjerë të Ballkanit Perëndimor bazohet në të ndihmuarin dhe përmbushjen e kritereve për të u anëtarësuar në Bashkimit Evropian si dhe për të përfunduar rrugëtimin e saj si kancelare e shtetit gjerman prej kaq shumë vitesh tashmë. Si dhe një tentativë e fundit që Merkel t’i japë një shtysë partisë së saj, Unionit Kristian Demokratik (CDU), në zgjedhjet që priten të mbahen me 26 shtator.
Komponenti më i rëndësishëm i procesit të Berlinit, është e ashtuquajtura “Agjenda e Konektivitetit”, e cila fillimisht synon që gjashtë shtetet e Ballkanit Perëndimor t’i lidhë mes vete në fushat e transportit dhe energjisë.
