Vazhdojnë veprimet ekstreme dhe shpesh herë absurde të talebanëve në Afganistan. Tashmë ata kanë marrë një vendimtë rradhes që lidhet me manekinat që reklamojnë rrobat e dyqaneve të rrobave.
Mediat e huaja bëjnë me dije se se dyqanxhinjve në provincën perëndimore të Heratit në Afganistan u është dhënë urdhër t’iu heqin kokat manekinëve të rrobave.
Kjo e arsyetuar me shpjegimin se ato konsiderohen si idhuj “mëkatarë”. Manekinët nuk mund të shihen su modele apo “idhuj” nga gratë dhe vajzat, që aktualisht nuk kanë të drejta dhe liri. Pasi ministria fillimisht njoftoi shitësit t’i hiqnin plotësisht manekinët nga dyqanet e tyre, u ndesh me nj rezistencë nga ana e këtyre të fundit.
Shitësit u kundërpërgjigjen duke thënë se kjo do të shkaktonte humbje të mëdha financiare. Pas reagimit të pronarëve ministri Sheikh Aziz-u-Rahman, morri një vendim më të rreptë, duke urdhëruar prerjen e kokave të manekinëve. Adhurimi i idhujve konsiderohet mëkat në Islam, i cili e ndalon adhurimin e dikujt apo sendi tjetër përveç Allahut që konsiderohet si i vetmi Zot.
Që nga marrja e pushtetit në muajin gusht të vitit të kaluar, talebanët kanë vendosur kufizime të ndryshme për gratë dhe vajzat, pavarësisht se premtuan një rregull më të butë në krahasim me qëndrimin e tyre të parë në pushtet në vitet 1990.
