Përfaqësuesi ligjor i Partisë Demokratike, Ivi Kaso ka reaguar pas vendimit të Kolegjit Zgjedhor për të mos shpallur të pavlefshme zgjedhejt në qarkun e Vlorës.
Kaso tha se është tashmë e njohur që shqiptarët nuk votuan dot të lirë. Sipas tij, detyrimi për trancparencë është ndaj tyre që besuan dhe se procesi ligjor duhet të çlirohet nga të gjitha fenomenet negative. Më tej Kaso bëri me dije se detyrimi për transparencë vijon i pandryshuar dhe se PD do t’i shkojë deri në fund çështjes duke e çuar në Gjykatë.
“Pati debat të gjatë për domosdoshmërinë e administrimit të provave, përpara dhe përgjatë. Me keqardhje them se është shans i humbur, por nuk dekurajohemi.
Çdolloj shkelje të ligjit e cila e ka influencuar dhe deformuar vullnetin e zgjedhësve. Është bërë e njohur që shqiptarët nuk votuan dot të lirë e të shpreheshin të lirë me votë.
Unë e kam thënë dhe më parë, detyrimin për transparencë e kemi jo vetëm për ata që na besuan. Procesi zgjedhor duhet të çlirohet nga gjithë fenomenet negative. Detyrimi për transparencë vijon të jetë i pandryshuar, përsa kohë të kemi një Gjykatë për t’u ankuar, do i shkojmë deri në fund për të hedhur dritë mbi çdo lloj shkeljeje”, tha Kaso.
