Nënkryetari i Lëvizjes Socialiste për Integrim, Petrit Vasili ka “sulmuar” SPAK, sepse sipas tij nuk po vepron për prishjen e banesave në Kombinat, të cilat janë cilësuar si të dëmtuara nga tërmeti. Reagimi i Vasilit vjen pasi Gjykata Administrative e Tiranës dha vendimin që pengon prishjen e ndërtimeve në Kombinat.
Ai ndër të tjera shkruan se SPAK kur nuk vepron për këto skandale kaq të rënda sipas tij inkriminon rëndë veten. Vasili thotë se veprimet kriminale korruptive të Bashkisë Tiranë që përdorën edhe fatkeqësinë e tërmetit janë përpara syve.
Postimi i plotë
Banoret e Kombinatit rrezojne Mafien e Bashkise se Tiranes dhe SPAK mbyll syte e veshet!
Vendimi i Gjykates Administrative ndaloi prishjen e banesave ne kombinat per interesat mafioze te Bashkise dhe korrupsionit te tmerrshem te saj.
Veprimet kriminale korruptive te Bashkise se Tiranes qe perdor edhe fatkeqesine e termetit jane perpara syve te te gjitheve.
Per Veliajn qytetaret kane zero rendesi, ndaj ju rremben pronat ne menyre mafioze dhe i le ne mes te kater rrugeve te plaçkitur dhe ne mjerim.
SPAK ne menyre te turpshme nuk vepron.
SPAK kur nuk vepron per keto skandale kaq te renda inkriminon rende veten.
Ja ku i ka SPAK-u fajtoret dhe te korruptuarit, boll ju dha alibi mafiozeve me mosveprimet e qellimshme te tij!
