Komisioni Qëndror i Zgjedhjeve ka vendosur të mos i heqë mandatin kryetarit të Bashkisë së Kuçovës, Kreshnik Hajdari, ndonëse ky i fundit rezultonte i dënuar në Greqi me 4 muaj, dënim i cili i ishte konvertuar në 1500 dhrami. Kryebashkiaku ishte vetëdeklaruar si i padënuar në formular, por Komisioneri Shtetëror i Zgjedhjeve, Ilirjan Celibashi vendosi të mos i ndërpresë mandatin me argumentin se dënimi që fshehu në formularin e vetëdeklarimit, nuk përbën ndalim në Ligjin e Dekriminalizimit. Sipas Komisionerit Shtetëror të Zgjedhjeve, Ilirjan Celibashit, në kushtet kur vepra penale e konsumuar nga Hajdari nuk paraqet ndalim për të kandiduar, ai nuk ka pasur detyrim për ta deklaruar në formular.
“Nuk ka detyrim subjekti vetëdeklarues për të paraqitur në formularin e deklarimit, rrethana apo shkaqe të cilat nuk e ndalojnë atë që të marri zyrën publike”, u shpreh Bylykbashi.
Ai do vazhdojë të mbajë postin e kryetarit të bashkisë, ndërsa për të betejat ligjore nuk janë mbyllur këtu, pasi Hajdari është nën hetim edhe nga SPAK për akuzën e “Falsifikimit të formularit të vetëdeklarimit”.
KQZ ka vendosur që të shpëtojë këtë herë kryebashkiakun e Kuçovës nga kthetrat e drejtësisë.
