Ismet Vladi është një ndër banorët e zonës ku ndodhi dhe grabitja e djeshme.
Ai ka qënë duke punuar tokën pranë zonës, kur dëgjoi të shtëna armësh.
I pyetur nga Anila Hoxha, gazetarja e Top Channel, ai ka treguar se ka parë nga afër përplasjen e grabitësve të Rinasit me policinë.
Sipas tij tre makina policie ishin vënë në ndjekje të furgonit të grabitësve të Rinasit, të cilët në dalje të rrugës së fshatit kishin ndaluar furgonin dhe kishin hapur zjarr me breshëri kallashnikovi ndaj policisë.
Policët i janë përgjigjur zjarrit, duke e kthyer vendin në një fushë-betejë, ku qëllohej me breshëri nga të dy anët.
Ismeti tregon se furgoni i grabitësve kishte bllokuar rrugën dhe një prej tyre qëllonte me breshëri drejt policëve. Të shtënat kanë pushuar në momentin kur njëri prej tyre u vra.
