Prestigjiozja ‘The economist’, ka shkruar se në lidhje me vaksinat anti-covid dhe shpërndarja e tyre në popullatë, vendet e pasura dhe të fuqishme do të kenë aksesin e parë në to.
Këtë fakt ‘The economist’ e ka bërë të ditur në një shkrim të publikuar ku ka ndarë dhe hartën e shteteve duke i vendosur ngjyra për të treguar se kur do e sigurojnë vaksinën.
Sipas hartës së publikuar në artikull, vendi ynë do e sigurojë vaksinën në vitin 2022!
Në grupin e parë ku përfshihen SHBA, shtetet kryesore të BE, si dhe Japonia, vaksinimi masiv do bëhet mes shtatorit të vitit 2021 dhe marsit të 2022.
Në grupin e dytë, ku futen Kanadaja, Argjentina, Kina, Australia vaksinimi masiv do bëhet mes shtatorit të vitit 2021 dhe qërshorit të 2022.
Shqipëria bën pjesë në grupin e shteteve të shenjuara me portokalli ku vaksinimi masiv do të realizohet gjatë vitit 2022.
Ndërsa në grupin e katërt ku futen vendet e varfra, kryesisht të Afrikës, vaksinimi do bëhet mes prillit të 2020 dhe përgjatë vitit 2023.
Mirëpo ky artikull i publikuar nga :The Economist”, rrëzon deklaratën e kryeministrit Rama, i cili në 9 dhjetor postoi një foto në një ekspozitë me pronarin e kompanisë farmaceutike Pfizer, Albert Bourla prej nga u shpreh se vaksina do të vijë brenda dy muajve të parë të vitit.
Nëse vaksina vjen në Shqipëri në vitin 2022, siç shkruan ‘The Economist’, Shqipëria do duhet të përgatitet për më shumë viktima dhe të prekur nga Covid./Gazetareforma.com/
