Dy vëllezërit Arjon dhe Klisman Hasa, të dyshuar për vrasjen e Ramazan Matajt në fshatin Dragoç të Postribës, janë paraqitur sot para Gjykatës së Shkodrës.
Ata pritet të njohin masën e sigurisë pas ngjarjes tragjike që tronditi Shkodrën mëngjesin e 5 janarit.
Sipas hetimeve, dy vëllezërit kishin planifikuar vrasjen e 33-vjeçarit, duke krijuar një profil të rremë në emër të një vajze për ta tërhequr në një pritë, ku e qëlluan me 9 plumba.
Dy familjet, që jetonin në të njëjtin fshat, kishin pasur konflikte të mëparshme, pasi e motra e autorëve kishte pasur një lidhje jashtëmartesore me viktimën, duke përfshirë një skandal me publikimin e videove intime që ndikuan në prishjen e martesave të saj.
Pas ngjarjes, autorët u panë nga kamerat e sigurisë duke ikur me biçikletë dhe më pas u zbulua arma e krimit, e cila ishte groposur pranë shtëpisë së tyre.
