Procesi gjyqësor për Dan Hutrën, autorin e vrasjes së tre grave dhe plagosjen e tre të tjerave, ka sjellë tensione të forta në Gjykatën Penale të Tiranës.
Gjatë seancës së ditës së enjte, e zhvilluar me dyer të mbyllura, një dëshmitar kyç, Vladimir Kurti, i dënuar përjetë, dha një deklaratë të fortë.
Kurti, vëllai i njëres prej viktimave të Hutrës, që i vrau motrën e tij në mars të vitit të kaluar, refuzoi të fliste para gjykatës.
Ai e quajti të pandehurin një “monstër”, duke paralajmëruar se nuk do ta falte për krimin.
Gjakun e motrës sime nuk e than dheu, nuk e fal. Ai është vrasës, ka futur në dhe 4 gra, refuzoj të japë deklarime përballë këtij monstre, u shpreh Kurti.
Ndërkohë, Dan Hutra nuk ka reaguar gjatë gjithë seancës.
Procesi gjyqësor do të vijojë më 5 dhjetor, në orën 12:30, kur do të shqyrtohen edhe akuzat për vrasjen e trefishtë që Hutra kreu pas daljes nga burgu, ku ishte dënuar për vrasjen e ish-bashkëshortes.
