Një ngjarje tragjike ka ndodhur mbrëmjen e së dielës në Prishtinë, ku Mentor Palokaj, vëllai i reperit Viktor Palokaj, i njohur si “Unikkatil”, është gjetur i pajetë në banesën e tij.
Sipas raportimeve të mediave në Kosovë, ngjarja ka ndodhur në lagjen ‘Arbëria’, ku ekipet mjekësore kanë konstatuar vdekjen e tij në vendngjarje. Gjatë kontrollit në banesë, policia ka sekuestruar një armë zjarri dhe substanca narkotike.
Reperi Sadik Gjokaj, i njohur si Kobra, ka konfirmuar lajmin e hidhur për ndarjen nga jeta të Mentor Palokajt.
Në një postim në Facebook, ai ka shprehur trishtimin e tij, duke shkruar:
“I tronditur nga vdekja e parakohshme e shokut tim Mentor Palokaj, pusho në paqe.”
