Në një lidhjet të drejtpërdrejtë nga PS, drejtuesi politik për Tiranën Erion Veliaj u shpreh se në këto zgjedhje PS ka një rritje prej 25 mijë votash. Veliaj u shpreh se në Tiranë kishin një ndër betejat me të forta elektorale, për shkak se sic u shpreh ai, të gjithë krerët e opozitës kandidonin në kryeqytet.
“Ne kishim rreth 200 mijë tani jemi 225 mijë jemi rritur. Kemi patur një nga betejat më të forta në Tiranë. Të gjithë krerët e opozitës kandidonin në Tiranë.
Ishim në një përballje në kryeqytet, sot është një ditë e mirë për PS. Fakti që në disa bastione të PD arritëm fitore, do të thotë që shumica nuk duan më sherr, nuk duan më politike konfliktuale, nuk duan më kulturëne bllokimit.
Unë s’jam kurrë i kënaqur, thyem disa bastione, por ka mesazhe në vende më të vogla ku na duhet të punojmë më shumë për të rritur besimin te njerëzit. Ndaj mesazhi që morëm është: Mos e merr publikun si të mirëqenë. Sot bastion është ai vend ku t’i punon e takon njerëzit, për të punuar përditë për të fituar besimin e tyre”, u shpreh fillimisht Veliaj.
“Fakti që astiri votoi PS ishte një mësazh për t’ju thënë boll na bllokuat, e na përdorët mish për top. Shumica e Astirit janë ata që janë njerëz të thjeshtë që besojnë te puna, jo një minorancë e zhurmshme”, përfundoi Veliaj.
