Një ngjarje e rëndë ka ndodhur ditën e sotme, teksa një 25 vjeçar ka humbur jetën pasi ka rënë në kontakt me rrymën elektrike.. I riu Amarildo Basi ishte duke mbledhur hekura dhe skrap në një kabinë elektrike në momentin që ka rënë në kontakt me telat e korentit, gjë që i kushtoi edhe jetën. Si shumë anëtarë të tjerë të komunitetit rom, të lënë në harresë nga shteti, ai detyrohej të punonte duke mbledhur hekura për të nxjerrë bukën e gojës për veten e familjen. Familjarët e të riut që jetonte në Shkozë, u shprehën më herët se ambulanca ishte vonuar për t’i ardhur në ndihmë, ndërkohë që ai ishte ende gjallë.
“Ishte gjallë, ambulanca është vonuar 25-30 minuta dhe ai ka qenë gjallë në atë kohë. U vonua se këtu është bllokuar rruga, nuk ka ku të kalojë. Do kishte shpëtuar…ai punonte me skrap, merrte lekët dhe mbante familjen. Ushqente fëmijët,”- kanë thënë ata.
Ndërkohë, për vdekjen e Amarildos ka reaguar edhe avokati Adriatik Lapaj. Në një postim prekës në rrjetet sociale ai shkruan se Amarildo vdiq duke mbledhur bukë për dy fëmilët e tij. Edhe pse duart e tij ishin me kallo, ato ishin dijnitoze, ka shkruajtur Lapaj
Postimi plotë:
Të Zotit jemi te ai do kthehemi.
Sot paska qenë ditë e trishtë për mua! Amarildo ishte shoku im. Popo shoku im. Ishte fukara, mblidhte hekura, jetonte me dinjitet. E njoha në rrethana të trishta. Bashkë ndërtuam një banesë për familjen e tij. Nga ajo ditë Amarildo kudo më shihte në Tiranë me triçiklin e tij me të cilin mblidhte hekura ndalonte e më përqafonte. E doja Amarildon. Duart e tij ishin me kallo, por dinjitoze.
Sot e zuri korenti. Vdiq duke mbledhur bukë për 2 fëmijët e tij. Më pikëlloi.
Zoti e pastë pranë vetes!
