Kryeministri Edi Rama, teksa fliste në konferencë për planin e rimëkëmbjes ekonomike, nuk la pa thumbuar edhe kundërshtarin direkt.
‘Kandidatin për kryeministër’, siç e quajti Lulzim Bashën, e cilësoi një ‘shalqi me provë’, që sipas tij është i pangrënshëm.
Pyetjes së gazetares, nëse kryeminstri po kopjon nga plani i krye opozitarit, Rama iu përgjigj sërish me batutë.
“Vdeksha unë për ty dhe zotin Basha. Ka një ndryshim të madh mes kujt e thotë dhe kujt e bën nëse e marim të mirëqenë që është i njëjti premtim. Programi i tyre është nga ato asfaltet elektorale që hidheshin në kohën e Saliut dhe iu dilte boja me shiun e parë pas fushatës. Ato janë si tramvaj i Tiranës. Në çdo sektor ka një tramvaj. Po të shkoni te SHQUPI të pyesni, do ju tregojnë një tramvaj…”, tha Rama.
“Për atë që ju e quani kandidati për kryeministër, përgjigja ime është shumë e thjeshtë.
Është shalqi me provë, domethënë i pangrënshëm sepse nuk është i ardhur nga hëna por ka qenë në provë disa herë dhe natyrisht që shkuarja në ekstrem me propozime të ashtëquajtura platforma është thjesht shprehje e mungesës së seriozitetit.
Shqiptarët e kanë të qartë: Shalqitë me provë që kanë rezultuar kunguj, nuk ka shans t’i blejnë për shalqin të ngrënshëm”, përmbylli kryeministri.
/GazetaReforma.com/
