Rasti i vdekjes së Rifat Lalos (vëllai i ish-deputetetit të PD, Vili Minarolli) ishte një skandal që shkaktoi shumë bujë. Dy vajzat e tij denoncuan spitalin Infektiv se e kishte lënë të atin e tyre të vdiste në një karrige në corridor pa i dhënë shërbimin e nevojshëm. Ato e bënë public rastin në media, duke bërë thirrje që njerëzit të mos i çonin të afërmit e tyre në spital, pasi gjendja ishet shumë e keqe. Por në vend që të nisnin hetimet për këtë skandal, policia procedoi penalisht dy motrat për përhapje të informacioneve të rreme. Për rastin në fjalë ka reaguar ehde presidenti Ilir Meta i cili ka thënë se në vend që kryeministri Rama të kërkonte hetime, nuk i la vajzat as të qaninë babanë. Ndër të tjera Meta tha edhe se nuk është normale që të vendoset gjobë 50 milionë lekë, duke e ditur shumë mirë se si i shkelin rregullat e pandemisë.
“Dy vajza humbën babanë në spital. Në vend që kryeministri të kërkojë hetim, nuk i la as të qajnë babanë. Vendos gjoba 50 milionë lekë, a është normale. Ndërsa, ne e dimë shumë mirë sesi i shkelin rregullat e pandemisë. Ky është shtet i presionit dhe poshtërimit të qytetarëve. Rënia e regjimit është thjesht tashmë çështje procedurash. Emrat i di Vlora dhe gjithë Shqipëria, që i ka kthyer presidenti, për shkak të fenomeneve klienteliste”, tha Meta.
