Ish-nënkryetari i Lëvizjes Socialiste për Integrim, Luan Rama me anë të një postimi në rrjetet sociale ka dhënë një mesazh ngushëllimi për ndarjen nga jeta të Paulin Prekës.
Rama e ka cilësuar artistin si zotëri, për shkak se sipas tij ishte mishërim i mençurisë e qytetarisë shkodrane.
“Ike për të qenë shëmbëlltyrë e njeriut që fali vetëm mirësi dhe dashuri.”, ka shkruar ndër të tjera ai. Ndër të tjera Luan Rama ka një kërkesë “Na i fal lotët e dhimbjes zotni Paulin Preka!”
Statusi nga Luan Rama
NA I FAL LOTËT E DHIMBJES
ZOTNI PAULIN PREKA !
Na ke mësuar të të duam me humorin tënd të fisëm zotni Paulin Preka, mishërim i mençurisë dhe qytetarisë unike shkodrane.
Na u bëre i dashur me praninë tënde përherë elegante, përmes artit të një cilësie të epërme, veti e artistëve të një lloji të veçantë që skenës shqiptare nuk i vijnë shpesh.
Ike për të qenë shembëlltyrë e njeriut që fali vetëm mirësi dhe dashuri.
Do të mbetesh modeli dhe referenca e njeriut artist dhe e artistit njeri, përmbledhur në fjalën magjike që në Shkodër merr vlerë dhe ngjyresë të veçantë: ZOTNI !
Na i fal lotët e dhimbjes zotni Paulin Preka!
Të ndrittë shpirti!
