Banorët e “Bregut të Lumit” edhe sot kanë nisur protestat kundër ndërtimit të projektit të “Unazës së Madhe”. Ky projekt u rrezikon shembjen e banesave të tyre për këtë arsye protestuesit bëjnë thirrje autoriteteve që nuk do i braktisin shtëpitë e tyre pa u derdhur gjak.
Ata i drejtohen kryetarit Erion Veliaj, duke i thënë që ai duhet të kërkojë falje atyre duke u ulur në gjunjë pasi ky popull ka derdhur djersën në ato shtëpi.
Në protestë kishte edhe fëmijë që protestonin dhe për këtë arsye, baballarë të tyre shprehen se ky do jetë një kujtim i keq për to, sepse edhe pse të vegjël, po e përjetojnë gjithë stres.
“Ky popull nuk vjen nga Afganistani, janë qytetarët e Republikës së Shqipërisë. Kemi paguar ujë drita dhe të gjithë taksat. Vetëm kur të shkelen mbi kufomat tona, se shtëpitë tona nuk i lë pa gjak. Shtëpitë tona nuk i shemb”, tha një nga banorët.
(BalkanWeb)