Në Shqipëri, ka pasur shumë vatra zjarresht ditët e fundit. Në fshatin Flet në Fushë-Arrëz flakët rrezikojnë t’u afrohen banesave dhe këtë gje, e bën të ditur ministri i Mbrojtjes Niko Peleshi.
Në një postim në Facebook, ministri bën të ditur se me prioritet po punohet edhe në fshatin Thirrë në Mirditë, ku vatra ka zgjeruar perimetrin e forcat në terren po hasin vështirësi për shkak të tymit.
Statusi i Niko Peleshit në Facebook:
“Disa vatra zjarri janë ende aktive në vend. Situata është problematike në fshatin Flet në Fushë-Arrëz, ku flakët rrezikojnë t’u afrohen banesave. Për shuarjen e tyre ka filluar puna nga toka e ajri.
Me prioritet po punohet edhe në fshatin Thirrë në Mirditë, ku vatra ka zgjeruar perimetrin e forcat në terren kanë vështirësi për shkak të tymit të krijuar.
Puna ka vijuar edhe në “Majën e Rrunës”, Laku i Mollave e Laku i Thive në Kukës, ku gjendja është në përmirësim dhe nuk ka rrezik për banesat.
E njëjta situatë është edhe në fshatin Patej në Lezhë. Ndërsa prej mëngjesit ka nisur edhe ndërhyrja nga ajri në malin e Tërbunit në Pukë, ku janë pozicionuar edhe mbi 150 forca të FA në terren, shkroi ministri i Mbrojtjes, Niko Peleshi.
