Kryeministri francez Jean Castex, ka deklaruar se që prej ditës së shtunë, të gjithë qytetarët francezë do të ndalohet të lëvizin pas orës 18:00.
Të gjithë autoritetet franceze janë vgendosur në alarm për shkak të mutacionit të ri të covid-19 i cili zanafillën e pati në Britaninë e Madhe.
Kjo masë e re kufizuese vjen pas rritjes së numrit të rasteve të reja, të ndikuara edhe nga mutacioni i ri i virusit, i zbuluar fillimisht në Mbretërinë e Bashkuar.
Ky është kufizimi më i gjatë që ka vendosur qeveria franceze dhe do të qëndrojë në fuqi për të paktën 2 javë, me qytetarët që do të ndalohen të lëvizin nga ora 18:00 deri në 06:00.
Kujtojmë se gjatë 24 orëve të fundit, në Francë janë regjistruar 21.228 raste të reja, ndërsa 282 persona kanë humbur jetën, duke e çuar në 69.313 numrin e viktimave që nga fillimi i pandemisë.
Varianti i ri i koronavirusit ka një efekt më të madh transmetueshmërie se sa virusi ekzistues. Mirëpo Evropa është në alarm pasi përveç mutacionit me zanafillë nga Britania e Madhe, janë raportuar edhe për variantin e ri të covid-19 nga Afrika e Jugut, si dhe ditëve të fundit varianti i ri nga Amerika Latine, kryesisht nga Brazili apo Argjentina./Gazetareforma.com/
