Prefekti i Vlorës, dhe njëherësh ish-deputet në Kuvendin e Shqipërisë, Vangjel Tavo, është paraqitur mëngjesin e kësaj të marte në ambientet e Prokurorisë së Posaçme. Nuk dihet ende çështja për të cilën Tavo do të merret në pyetje nga Prokurorët e Posaçëm.
Vangjel Tavo mori postin e prefektit të Vlorës në mars të këtij viti. Ish deputeti i Lëvizjes Socialiste për Integrim zëvendësoi në detyrë Flamur Mamaj.
Në ditët e para të janarit emri i Vangjel Tavos u shfaq në të përditshmen greke “Kathemirini”. Ajo pretendonte se kryeministri Edi Rama i kishte propozuar për të marrë drejtimin e përkohshëm të bashkisë së Himarës. Sipas gazetës, kjo lëvizje do të shërbente në zgjidhjen e ngërçit me Greqinë për shkak të çështjes “Beleri”.
