Ditën e djeshme Valdrin Pjetri dha dorëheqjen duke mos e marrë postin si kryetar i Bashkisë së Shkodrës.
Kjo ka ndodhur pasi PD publikoi dokumentet zyrtare, në të cilat tregohej se Pjetri ishte dënuar në Itali për trafikim të lëndëve narkotike, para 16 vitesh.
Këtë fakt, Pjetri nuk e kishte deklaruar në formularin e dekriminalizimit.
Mëngjesin e sotëm kryeministri Edi Rama ka reaguar nëpërmjet një statusi në rrjetin social Twitter ku shprehet se Valdrin Pjetri nuk është kriminel. Rama ka thënë se Pjetri ka qenë një nëpunës korrekt në administratë, që në kohën kur në qeveri ka qenë Partia Demokratike.
Sipas Ramës, nuk mund të bëhet kriminel një individ, për atë që ka bërë kur ishte 19 vje. Ajo që e vështirëson situatën, sipas Ramës është fshehja e ngjarjes, prandaj edhe është e pajustifikueshme.
“Partitë nuk verifikojnë dot të dhëna individuale jashtë afateve të përcaktuara nga shtetet për dëshminë e penalitetit. Ato merren vetëm me kërkesë nga policia ose prokuroria. Koha të fusim në ligj afate verifikimi shtetëror të kandidaturave para regjistrimit të tyre në zgjedhje!
Një kandidat që gënjen në mirëbesim dhe në formularin e vetëdeklarimit s’mund të lerë në baltë zgjedhësit dhe partinë që e ka besuar. Ai duhet të përjashtohet nga gara pa mundur të regjistrohet në zgjedhje dhe ta marrë të plotë gjithë përgjegjësinë e vetëdeklarimit të rremë.
Jo vetëm kaq,po është koha të nisë verifikimi shtetëror i të gjitha vetëdeklarimeve të politikanëve e punonjësve të shtetit që kanë firmosur.Çdo vetëdeklarim i rremë duhet të sjellë përjashtim dhe dënim penal.Përgjegjësia individuale s’mund të ketë më asnjë fije kosto kolektive”, shkruan Rama në rrjetin social Twitter.
Valdrin Pjetri nuk është kriminel! Ai ka shërbyer në administratë si nëpunës korrekt qysh në kohën e qeverisjes së PD. Çfarëdo të ketë bërë 19 vjeç nuk e bën kurrësesi njeriun një kriminel! Por fshehja e ngjarjes është e patolerueshme dhe pasojat për Shkodrën të pajustifikueshme!
— Edi Rama (@ediramaal) August 16, 2019
Jo vetëm kaq,po është koha të nisë verifikimi shtetëror i të gjitha vetëdeklarimeve të politikanëve e punonjësve të shtetit që kanë firmosur.Çdo vetëdeklarim i rremë duhet të sjellë përjashtim dhe dënim penal.Përgjegjësia individuale s’mund të ketë më asnjë fije kosto kolektive.
— Edi Rama (@ediramaal) August 16, 2019
