Prej disa kohësh këngëtarja, Fjolla Morina është kryefjalë e mediave dhe kjo për disa arsye.Dhurata e bukura luksoze, makinat e shtrenjta, i dashuri misterioz dhe së fundmi arrestimi i saj në pikën kufitare të Morinës pasi u kap me dy pistoleta.
Këngëtarja pranoi autorësinë e armëve duke thënë se i kishte harruar në çantë, ndërsa shoqërohej dhe me dy persona të tjerë, biznesmeni Fisnik Syla dhe shoferi Fitim Muji.
Ndërkohë, në media qarkulloi lajmi se Fjolla është në një lidhje me biznesmenin Syla dhe në një deklaratë ajo e pranoi këtë gjë duke thënë se nuk ka dashur ta bëjë publike.
“Me Fisnik Syla, jam njohur që herët dhe tani jemi të dashur, gati për martesë, por nuk e kam nxjerrë nëpër media, duke e mbajtur privat.”-
Së fundmi, këngëtarja ka surprizuar ndjekësit me postimin që ka bërë në rrjete sociale.Me një buqetë gjigante me trëndafila të kuq në formë zemre dhe shkronjën “F” të formuar me trëndafila të bardhë si dhe me një unazë të bukur diamanti, Fisnik Syla i ka propozuar për martesë Fjollës.
“Unë thashë Po! Dashuri”- shkruan Fjolla krahas postimeve, duke dhënë kështu lajmin e bukur se po i jep fund beqarisë.
