Autoriteti Rrugor Shqiptar ka njoftuar të gjithë pronarët e banesave që preken nga projekti i Unazës së Re, të dorëzojnë dokumentat për të tërhequr vlerën e shpronësimit.
Pjesë e dokumenteve janë, çertifikata e pasurisë, kartela e pasurisë, harta e pasurisë, kopja e kartës së identitetit dhe numri i llogarisë (IBAN).
Dokumentet mund të dorëzohen pranë zyrave të ARRSH ose nëpërmjet postës.
NJOFTIMI I PLOTË:
Në kuadër të realizimit të projektit “Rehabilitimi i Segmentit Rrugor ‘Pallati me Shigjeta – Rrethrrotullimi Shqiponja’”, njoftojmë të gjithë pronarët e pasurive pronë private, të cilët janë shpronësuar me Vendimin e Këshillit të Ministrave Nr.231 Datë 17.04.2019, të dorëzojnë dokumetacionin për tërheqjen e vlerës për shpronësim, sipas dokumentacionit në vijim:
Çertifikatën e pasurisë (fotokopje të noterizuar).
Kartelën e pasurisë (të rifreskuar pranë Agjensisë Shtetërore të Kadastrës, Tiranë).
Hartën e pasurisë (të rifreskuar pranë Agjensisë Shtetërore të Kadastrës, Tiranë).
Numër llogarie (Iban), në emër të pronarit të pasurisë, ose prokurë të posaçme për personat e autorizuar për tërheqjen e vlerës.
Kopje të kartës së identitetit.
Dokumentacioni mund të dorëzohet pranë Autoritetit Rrugor Shqiptarë, ose nëpërmjet postës. Adresa: Rruga “Sami Frashëri”,nr.3, Tiranë, ++355 4 2223300
Shpronësimi vlen vetëm për banesat, të cilat janë të legalizuara.
Ndërkohë banorët që nuk kanë leje për shtëpitë e tyre, nuk do të dëmshpërblehen.
Për këtë arsye banorët e Astirit po protestojnë prej muajsh.
I vetmi dëmshpërblim që do t’u ofrohet banorëve të Astirit, ëshë qeraja falas për një vit te banesat sociale.
