Federata Shqiptare e Futbollit kërkon që këtë sezon ta mbyllin me tifozë të pranishëm në shkallët e stadiumit. Me anë të një letre drejtuar Ministrisë së Shëndetësisë dhe Mbrojtjes Sociale, kërkon që edhe në Shqipëri të lejohen ndeshjet me tifozë. Duke marrë shkas nga nga vendet e tjera të Europës ku finalet e Kupave po zhvillohen me tifozë të pranishëm në shkallët e stadiumeve.
Gjithashtu mësohet se shkas për këtë kërkesë është bërë edhe fakti që numri i të infektuarve me COVID-19, ka rënë ndjeshëm edhe si pasojë e fushatës së vaksinimit. Federata Shqiptare e Futbollit merr përsipër respektimin e protokolleve sanitare duke dalë garant për sigurinë lojtarëve stafeve drejtuesve dhe tifozëve.
.
Në një letër të siguruar nga “Neës24”, Fedrata Shqiptare e Futbollit thekson se ky do të ishte një rikthim në normalitet. Kujtojmë që finalja e Kupës së Shqipërisë, ndërmjet Skënderbeut dhe Vllaznisë do të zhvillohet në “Air Albania” më 31 maj. Kujtojmë se kjo nuk është hera e vetme kur FSHF kërkon që të zhvillohen ndeshjet me tifozë, një kërkesë e tillë u paraqitë edhe për ndeshjen me Anglinë, por që përgjigja ishte negative për shkak se në atë periudhë ishte një numër më i madh infektimesh. Gjithashtu edhe në nëntor të 2020 i bënë një kërkesë qeverisë për rikthimin e tifozëve në fushë por me anë të një shkresë zyrtare, qeveria shqiptare ka refuzuar kërkesën e federatës që në stadium në ndeshjet e Kombëtares dhe kampionatit të kishte tifozë të paktën 30 për qind të kapacitetit të stadiumit.
Komisioni teknik i shëndetësisë dhe qeveria kanë refuzuar kategorikisht këtë kërkesë me faktin që gjendja e “COVID”-it në Shqipëri është e keqe dhe nuk mund të rrezikohet me një lëvizje kaq të rrezikshme duke bashkuar nga 1000 deri në 6000 vetë në stadium. Në këto kushte, si Kombëtarja dhe klubet duhet të vazhdojnë të luajnë pa përkrahës në stadium.
