ELBASAN
Detaje të reja kanë dalë në dritë në lidhje me ekzekutimin e Regis Runajt në Elbasan.
Në momentin që ka ndodhur vrasja, viktima ka qenë duke udhëtuar me motor me Xhuljano Hoxhën.
Gjatë udhëtimit, kur kanë qenë pranë varrezave të qytetit, Hoxha i ka kërkuar Runajt që të ulë shpejtësinë e mjetit.
Pas kësaj, ekzekutori ka nxjerrë thikën dhe e ka qëlluar Runajn pas shpine.
Edhe pse Hoxha e ka larë motorin në lavazh, gjurmët e gjakut të viktimës janë gjetur në mjet.
Kështu, ekzekutori Xhuljano Hoxha është tradhtuar nga ADN-ja e viktimës.
Dy ditë më parë, Policia e Elbasanit me anë të një komunikate për mediat tha se ka arrestuar dy vrasësit e Regis Runajt.
Në pranga përfunduan shtetasit Xhuljano Hoxha dhe Euglent Halili. Ata e kanë vrarë Runajn pranë varrezave të qytetit.
Mësohet se pasi e kanë goditur njëherë, Hoxha e Halili kanë qëlluar edhe 26 herë të tjera mbi Runajn.
Po Hoxha e Halili dyshohet se kanë gisht edhe në vrasjen e Emiljano Ramazanit.
Të arrestuarit Xhuljano Hoxha dhe Euglent Halili 4 ditë përpara vrasjes së Ramazanit, kanë qenë tek palestra e tij.
Ky veprim i tyre ka ngritur dyshime të forta tek policia, se ata mund të kenë informuar vrasësit mbi lëvizjet e Emiljano Ramazanit.
