Serbia nuk do të ketë tifozë në ndeshjen me Shqipërinë që do të luhet në Tiranë.
UEFA ka konfirmuar kalendarin e plotë të ndeshjeve për kualifikueset e Botërorit 2026.
Serbia do të nisë rrugëtimin e saj kundër Shqipërisë në stadiumin “Arena Kombëtare” më 7 qershor 2025 në orën 20:45.
Kjo ndeshje do të luhet pa praninë e tifozëve serbë pasi UEFA e ka dënuar federatën serbe, duke vendosur që dy ndeshjet e ardhshme në transfertë të luhen pa tifozë.
Takimi i parë do të zhvillohet në Tiranë. Nuk dihet ende nëse tifozët shqiptarë do të lejohen të udhëtojnë për në Serbi, kjo për shkak të incidenteve të ndodhura 10 vite më parë në Beograd.
Edhe pse tifozët shqiptarë mungonin, trazirat e serbëve çuan në ndërprerjen e ndeshjes, që më pas u fitua 0-3 në tavolinë nga Shqipëria.
