UEFA ka nisur një hetim disiplinor ndaj Federatës së Futbollit të Kosovës dhe asaj të Rumanisë pas ndërprerjes së ndeshjes mes të dyja skuadrave më 15 nëntor 2024.
Ndeshja u ndërpre pasi tifozët rumunë bënë thirrje provokuese, dhe ekipi i Kosovës, pasi informoi gjyqtarin disa herë, vendosi të braktisë fushën.
Pas diskutimeve, gjyqtari e pezulloi ndeshjen, duke shpërndarë përgjegjësitë sipas rregullave të UEFA-s.
“Procedurat disiplinore janë iniciuar kundër Federatës së Futbollit të Rumanisë dhe Federatës së Futbollit të Kosovës në përputhje me Nenin 55 të Rregullave Disiplinore të UEFA-s (DR), pas ndeshjes së Ligës së Kombeve mes Rumanisë dhe Kosovës e luajtur më 15 nëntor 2024 në Bukuresht, Rumani,”- thuhet në përgjigjen e UEFA-s për Dukagjinin.
